ඔස්ට්‍රේලියානු කණ්ඩායම විසින් කැනඩා කණ්ඩායම පරදවා 2023 ජාත්‍යන්තර රෝද පුටු රග්බි කුසලානය දිනා ගත්තේය.
ලෝක ශ්‍රේනිගතකිරිම වල පස්වන ස්ථානයේ සිටින කැනඩාව ලකුණු 53-48ක් ලෙස පරාජය කිරීමෙන් පසු ලෝක ශ්‍රේනිගතකිරිම වල දෙවන ස්ථානයේ සිටින ඕස්ට්‍රේලියාව IWRC 2023 කිරුළ පැරිසියේ දී ජයග්‍රහණය කළේය.
පැරිසියේ Accor Arena හිදී ඉරිදා පැවැති අවසන් මහා තරගයේදී කැනඩාව ලකුණු 53-48ක් ලෙස පරාජය කළ ඔස්ට්‍රේලියාව ජාත්‍යන්තර රෝදපුටු රග්බි කුසලානය (IWRC) දිනා ගැනීමට සමත් විය.
IWRC 2023 ආරම්භක තරගයේදී කැනඩාව හමුවේ ලකුණු 49-48ක් ලෙස පරාජයට පත් වූ ඕස්ට්‍රේලියාව අවසන් තරගය පුරාවටම තම ආධිපත්‍යය දැරූ අතර, ලොව හොඳම රෝදපුටු රග්බි ක්‍රීඩකයා ලෙස සැලකෙන Ryley Batt, ආරම්භයේ සිටම තම ශක්තිය පෙන්වමින් ආරම්භක උත්සාහක දිනුම සඳහා ඔහුගේ දායකත්වය තම කණ්ඩායම වෙත දැක්විය .
රෝද පුටු රග්බි ක්‍රීඩාව 1977 දී කැනඩාවේ නිර්මාණය කරන ලද අතර අවම වශයෙන් අත් පා තුනක සංචලනය හා සම්බන්ධ ආබාධ සහිත ක්‍රීඩක ක්‍රීඩිකාවන් සඳහා කණ්ඩායම් ක්‍රීඩාවක් බවට පරිණාමය වී ඇත. එය මිනිත්තු අටක කාර්තු හතරක් පුරා ක්‍රීඩා කෙරේ.
