T 20 ලෝක කුසලානයට නේපාලය සුදුසුකම් ලබයි.
නේපාලය T20 ලෝක කුසලාන ආසියානු සුදුසුකම් ලැබීමේ අවසන් පූර්ව තරගයේදී UAE කණ්ඩායමට එරෙහිව ජයග්‍රහණය කිරීමෙන් පසු 2024 ICC T20 ලෝක කුසලානයට සුදුසුකම් ලබා ඇත. මෙය වසර 10 කට පසු නේපාලය T20 ලෝක කුසලානයට නැවත පැමිණීම සනිටුහන් කරයි. ඔවුන් අවසන් වරට ක්‍රීඩා කළේ 2014 වසරේ බංග්ලාදේශයේ පැවති තරගාවලියේදීය .
ආසියානු සුදුසුකම් ලැබීමේ තරගයෙන් ලෝක කුසලානයට සුදුසුකම් ලැබීමට කණ්ඩායම් දෙකක් සූදානම් කර තිබුණි. ඕමානය සහ නේපාලය අවසන් පූර්ව වටය ජයගෙන 2024 එළැඹෙන අමෙරිකාවේ සහ බටහිර ඉන්දීය කොදෙව්හි පැවැත්වීමට නියමිත T20 ලෝක කුසලානය සඳහා අවස්ථාව උදාකරගෙන ඇත.
තරගයේ මුලින් පන්දුවට පහර දුන් එක්සත් අරාබි කණ්ඩායම ලකුණු 134 ක් රැස් කළහ.
ලකුණු 135ක ඉලක්කයක් හඹාගිය නේපාලය ඕවර 17.1කදී කඩුලු 2ක් පමණක් දැවී එම ඉලක්කය පසුකර ගියේය. අසීෆ් ෂීක් නොදැවී ලකුණු 63ක් රැස්කරමින් හඹායාමේ තරුව බවට පත්විය.
ෂෙයික් පන්දු 50කදී හතරේ පහර 6ක් සහ හයේ පහර 2ක් එල්ල කළේය. රෝහිත් පෝඩෙල් ද අගනා පිතිහරඹයක නිරත විය. ඔහු ජයග්‍රාහී ලකුණු රැස් කළ අතර පන්දු 21කදී ලකුණු 35ක් ලබා නොදැවී කඩුල්ලේ රැඳී සිටියේය. ගුල්ෂාන් ජා ලකුණු 22කට දායක වූ අතර කුෂාල් බුර්ටෙල් ලකුණු 11ක් ලබා ගත්තේය
කුෂාල් මල්ලා නේපාලය වෙනුවෙන් පන්දු යවන්නෙකු වූ අතර, ඔහු කඩුලු 3ක් දවාගත් අතර අවසානයේ ලකුණු 3-0-11-3ක් ලෙස සටහන් විය. සන්දීප් ලමිච්චනේ ද පන්දුවෙන් විශිෂ්ට දස්කම් දැක්වූ අතර ලකුණු 4-1-14-2 ලෙස සටහන් විය..
sportzlanka.com
