ඇලන් ඩොනල්ඩ් ඉවත්ව යයි.
බංග්ලාදේශ කණ්ඩායමේ වේගපන්දු පුහුණුකරු ලෙස කටයුතු කල දකුණු අප්‍රිකානු හිටපු වේගපන්දු යවන්නකු වූ ඇලන් ඩොනල්ඩ් සිය දුරයෙන් ඉවත් වීමට අදහස් කර ඇති බව cricinfo වෙබ් අඩවිය සදහන් කරනවා.
ඇලන් ඩොනල්ඩ් බංග්ලාදේශයේ වේගපන්දු පුහුණුකරු ලෙස කටයුතු කළ කාලය ඔවුන්ගේ ලෝක කුසලාන තරඟාවලියෙන් පසුව අවසන් කර ඇත.ඔහු ESPNcricinfo වෙත දන්වා සිටියේ ඔහු මුලින් තම කොන්ත්‍රාත්තුවේ තවත් වසරක දිගුවකට එකඟ වූ නමුත් පසුව තම පවුල සමග ගතකිරීමට වැඩි කාලයක් ලබා දීමට අවශ්‍ය බව වටහාගෙන ඉවත් වීමට අදහස් කරන බවයි.
පසුගියදා පවතී ශ්‍රී ලංකා ,බංග්ලාදේශ් තරගයේදී ඇන්ජලෝ මැතිව්ස් ගේ දැවී යාම සම්බන්ධයෙන් ෂකීබ් අල් හසන් සහ බංග්ලාදේශ කණ්ඩායම විවේචනය කරමින් ඔහු කළ අදහස් සම්බන්ධයෙන් BCB විසින් ඩොනල්ඩ්ව කැදවා මේ ඒ සම්බන්දව ඔහුගෙන් කරුණු පැහැදිලි කිරීමක් ඉල්ලා දිනකට පසුවය.
තවදුරටත් අදහස් දැක්වූ ඔහු පවසා සිටියේ “ලෝක කුසලානය අතරතුර, වාචිකව ගිවිසුමක් පිළිගත් පළමු පුද්ගලයා මමයි. මම ගිවිසුමක් අත්සන් නොකළ නමුත් වසරක දිගුවක් සඳහා කොන්ත්‍රාත්තුව අත්සන් කිරීමට මම නැවත ඩකා වෙත යාමට සූදානම්ව සිටියෙමි,” ඩොනල්ඩ් ESPNcricinfo වෙත සම්මුඛ සාකච්ඡාවකදී පැවසීය.
57 හැවිරිදි ඩොනල්ඩ් 2022 පෙබරවාරි මාසයේදී එම තනතුරට පත් කරන ලද අතර ඔහු පුහුණු කරු ධුරය භාරව සිටි කාලය තුළ බංග්ලාදේශයේ වේග පන්දු යැවීමේ ගුණාත්මක භාවයේ යම් ඉහළ යාමක් ඇති වී ඇත.
“මෙම වේග පන්දු යැවීමේ කණ්ඩායම කෙතරම් ජනප්‍රිය වී ඇත්ද යන්න ගැන මම අතිශයින් මවිතයට පත් වී සිටිමි. මට ලැබුණු සහයෝගය සිත් ඇදගන්නා සුළු විය,” ඩොනල්ඩ් පැවසීය. “මම බංගලාදේශයට සුබ පතනවා. ඉදිරි මාස සහ වසරවලදී මම ඔවුන්ගේ ක්‍රීඩාවේ ප්‍රගතිය නිරීක්ෂණය කරමි, ඔවුන් ක්‍රීඩා කරන්නේ කෙසේදැයි බලන්න.
එමෙන්ම මෙම තරගාවලියේ අවසානයත් සමඟින් Donaldට අමතරව, දඟපන්දු පුහුණුකරු රංගන හේරත්, පන්දු රැකීමේ පුහුණුකරු Shane McDermott, ශරීර යෝග්‍යතා අංශ ප්‍රධානී Nick Lee සහ පරිගණක විශ්ලේෂක Shrinivas Chandrasekaran යන අයගේ ද කොන්ත්‍රාත්තු අවසන් වීමට නියමිතයි. නමුත් මින් කිහිප දෙනෙකුට ලබන වසරේ ජනවාරි මස 02 දා තෙක් කණ්ඩායම සමඟ රැඳී සිටින මෙන් BCBය විසින් ඉල්ලීම් සිදු කර තිබෙනවා.
කෙසේ වෙතත් බංග්ලාදේශ ප්‍රධාන පුහුණුකරු වන චන්දික හතුරුසිංහ සහ සහය පුහුණුකරු Nic Pothasගේ කොන්ත්‍රාත්තු නිමා වීමට තව බොහෝ කල් ඉතිරි වී තිබෙනවා.
පසුගිය පෙබරවාරි මාසයේ දී වගකීම් බාරගත් චන්දික හතුරුසිංහ ශ්‍රී ලංකාව සමඟ ලෝක කුසලාන තරගයට පෙර සඳහන් කළේ ඔහුට ලෝක කුසලානය වෙනුවෙන් කණ්ඩායම සූදානම් කිරීමට ලැබුණු කාලය ප්‍රමාණවත් නොවන බවයි. එමෙන්ම ලෝක කුසලානයෙන් පසුව තම වැඩකටයුතු ආරම්භ වනු ඇති බවත් ඔහු මෙහි දී පවසා තිබුණා.
sportzlanka.com
