ගුල් සහ අජ්මාල් පාකිස්තානයේ පන්දු යැවීමේ පුහුණුකරුවන් ලෙස පත් කර ඇත
පාකිස්තාන පිරිමි ක්‍රිකට් කණ්ඩායමේ වේග පන්දු පුහුණුකරු ලෙස හිටපු ක්‍රිකට් ක්‍රීඩකයන් වන උමාර් ගුල් සහ දඟ පන්දු පුහුණුකරු ලෙස සයීඩ් අජ්මාල් පත් කර තිබේ. ඔවුන් දෙදෙනා ඔවුන්ගේ පළමු තරගාවලිය වන – 2023 දෙසැම්බර් 14 සහ 2024 ජනවාරි 7 අතර ඕස්ට්‍රේලියාවට එරෙහි ටෙස්ට් තරඟාවලිය සහ 2024 ජනවාරි 12 සිට 21 දක්වා නවසීලන්තයට එරෙහිව T20I තරඟාවලිය සදහා එක්වනු ඇත.
ගුල් මීට පෙර ඇෆ්ගනිස්තානයට එරෙහිව තරඟ තුනකින් යුත් T20I තරඟාවලිය සඳහා පාකිස්තාන පිරිමි කණ්ඩායමේ පන්දු යැවීමේ පුහුණුකරු ලෙස සේවය කර ඇති අතර, පසුව මේ වසර මුලදී නවසීලන්තයට එරෙහිව පකිස්තනයෙහි පැවති තරඟාවලිය සඳහාද කටයුතු කළේය. මීට අමතරව, ඔහු පසුගිය පකිස්තානු සුපර් ලිග් තරගාවලියෙහි හි ක්වෙටා ග්ලැඩියේටර්ස් හි පන්දු යැවීමේ පුහුණුකරු ලෙසද, 2022 ICC පිරිමි T20 ක්‍රිකට් ලෝක කුසලානයේ ඇෆ්ගනිස්ථානයේ පන්දු යැවීමේ පුහුණුකරු ලෙසද කටයුතු කර ඇත.
2016, ජාත්‍යන්තර පිටියට සමුදෙන විට සිය රට වෙනුවෙන් ක්‍රීඩා තරග වලදී කඩුලු 378ක් ලබා ගත්තේය.
“පකිස්තාන කණ්ඩායමේ පන්දු යැවීමේ පුහුණුකරු ලෙස එක්වීමට ලැබීම ගැන මම සතුටු වන අතර, පීසීබී කළමනාකරණ කමිටුවේ සභාපති සාකා අෂ්රෆ් මහතා විසින් පාකිස්තාන ක්‍රිකට් සඳහා දායක වීමට අවස්ථාව ලබා දීම ගෞරවයක් ලෙස සලකමි,” නව රැකියා පිරිනැමීම පිළිගනිමින් ගුල් පැවසීය. “පිරිමි කණ්ඩායම සමඟ මීට පෙර සේවා පළපුරුද්දක් ඇති බැවින්, පාකිස්තානයේ පන්දු යැවීමේ දස්කම් නව තලයකට ඔසවා තැබීමේ අරමුණින් මම මගේ පුහුණු කිරීමේ විශේෂඥතාව ගෙන එන්නෙමි.” මාධ්‍යවේදීන් ඇසු ප්‍රශ්න වලට පිළිතුරුදෙමින් පැවසිය.
පාකිස්තානයේ දඟ පන්දු යැවීමේ පුහුණුකරු වන අජ්මාල් ටෙස්ට් තරග 35කදී, එක්දින තරග 113කදී සහ විස්සයි20 තරග 64කදී කණ්ඩායම නියෝජනය කර ඇති අතර, අංක 1 එක්දින පන්දු යවන්නා වීමේ ගෞරවයද ඇතුළුව තරග රටා තුනෙහිදී කඩුලු 447ක් දවාගෙන ඇත. පුහුණු කිරීමේ පළපුරුද්ද සම්බන්ධයෙන් ගත් කල, ඔහු පකිස්තානු සුපර් ලිග් තරගාවලියෙහි ඉස්ලාමාබාද් යුනයිටඩ් හි දඟ පන්දු යැවීමේ පුහුණුකරු ලෙස සේවය කළේය.
“PCB කළමනාකරණ කමිටුවේ සභාපති සාකා අෂ්රෆ් මහතා දඟ පන්දු යැවීමේ පුහුණුකරු ලෙස සේවය කිරීමට ලබා දුන් අවස්ථාව පිළිබඳව මම සැබවින්ම ගෞරවයට හා කෘතඥ වෙනවා” යැයි අජ්මාල් පැවසීය. “පකිස්තාන ජාතික කණ්ඩායම තුළ දඟ පන්දු යැවීමේ දක්ෂතා වර්ධනය කිරීමට දායක වීමට ලැබීම ගැන මම සතුටු වෙනවා. මගේ වෘත්තීය සහ පුහුණු අත්දැකීම් කණ්ඩායමේ දඟ පන්දු යැවීමේ අවි ගබඩාව වැඩි දියුණු කිරීමට උපකාරී වනු ඇතැයි මම විශ්වාස කරමි.” යනුවෙන් අජ්මාල් පැවසිය.
sportzlanka.com
