පකිස්තානයත් එලියට විසි වේ.

එංගලන්තය පළමුව පන්දුවට පහර දීමෙන් පසුව පාකිස්තානයේ අවසන් පූර්ව වටයේ බලාපොරොත්තු සියල්ල අවසන් විය.

අද සෙනසුරාදා (නොවැ 11) පස්වරුවේ කොල්කටා හි ඊඩ්න් ගාර්ඩ්න් ක්‍රීඩාංගණයේ ආරම්භ වූ තරගයේ කාසියේ වාසිය දිනාගත් එංගලන්ත නායක ජොස් බට්ලර් පළමුවෙන් පන්දුවට පහරදීමට තීරණය කිරීමෙන් පසු ඉන්දියාවේදී පැවැත්වෙන ලෝක කුසලානයේ පිළිමළුන් පිටුදැකීමේ අදියරට සුදුසුකම් ලැබීමේ පකිස්තාන බලාපොරොත්තුවලට දැඩි පහරක් එල්ල විය.

සුදුසුකම් ලැබීමේ අවස්ථාව සාර්ථක කර ගැනීමේ සිහින් බලාපොරොත්තුවක් තබා ගැනීම සඳහා ප්‍රථමයෙන් පන්දුවට පහර දීමට පාකිස්ථාන ක්‍රීඩකයින්ට අවශ්‍ය වූ නමුත් කාසියේ වාසිය අතරතුර නායක බාබර් අසාම් කාසියේ වැරදි පැත්ත ලබා ගැනීමෙන් පසු ඔවුන්ගේ සියලු බලාපොරොත්තු සුන් විය.

ඔහුගේ බලාපොරොත්තු සුන්වීම හොඳින් හැදිනගත් බබාර්, සිනහ මුසු මුහුණින් තම කණ්ඩායමේ ඉරණම පිළිගෙන කණ්ඩායම හොඳ දස්කම් දැක්වීමට බලාපොරොත්තු වන බව පැවසීය.

“අපිටත් මුලින් පන්දුවට පහර දෙන්න ඕන වුණා. නමුත් කාසියේ වාසිය අපේ අතේ නැහැ, පැහැදිලිවම. අපිට හොඳ පන්දු යැවීමක් තියෙනවා. අපි හොඳින් පන්දු යවා ඔවුන්ව හැකි ඉක්මනින් දවා ගත යුතුයි. අපි අද කණ්ඩායමේ එක වෙනසක් සිදුකර තියෙනවා. හසන් අලි වෙනුවට , ෂඩාබ් ඛාන් ඇතුලට එනවා,” බාබර් පැවසීය.

“අපි තවත් එවැනි ඉනිමක් ෆකාර් ගෙන් බලාපොරොත්තුවෙන් ඉන්නවා. ඔහු හොදට පන්දුවට පහර දීලා තියෙනවා, හැමෝම ඔහුගේ පිතිහරඹය විවේක කාමරයේදී රස වින්දා. අපි බලමු ඒක කොහොමද ඔහු අද කරන්නේ කියලා,” ඔහු වැඩිදුරටත් පැවසීය.

පාකිස්තානයට තවමත් සුදුසුකම් ලැබිය හැකිද?

පකිස්තානයට තවමත් අවසන් පූර්ව වටයට සුදුසුකම් ලැබිය හැකි නමුත් එය සිදු කිරීමට දෙපාර්ශවයෙන්ම කළ නොහැකි ක්‍රියාවන් කිහිපයක් අවශ්‍ය වේ.

පකිස්ථානයට සුදුසුකම් ලැබිය හැකි වත්මන් අවස්ථා වන්නේ:

එංගලන්තය ලකුණු 20කට සීමා කර ඕවර 1.3ක් ඇතුළත හඹා යන්න
එංගලන්තය ලකුණු 50කට සීමා කර ඕවර 2ක් ඇතුළත හඹා යන්න
එංගලන්තය ලකුණු 100කට සීමා කර ඕවර 2.5ක් ඇතුළත හඹා යන්න
එංගලන්තය ලකුණු 150කට සීමා කර ඕවර 3.4ක් ඇතුළත හඹා යන්න
එංගලන්තය ලකුණු 200කට සීමා කර ඕවර 4.3ක් ඇතුළත හඹා යන්න
එංගලන්තය ලකුණු 300කට සීමා කර ඕවර 6.1ක් ඇතුළත හඹා යන්න

අවසාන යාවත්කාලීන කිරීම අනුව, එංගලන්තය ලකුණු 150 සීමාව පසු කළ අතර, එයින් අදහස් වන්නේ පාකිස්තානයට අමතර පන්දු හැරුණු විට නියමිත පන්දු 22 කදී උපරිම ලකුණු 132 ක් පමණක් ලබා ගත හැකි බවයි.නමුත් මෙය කිසිසේත් කල හැක්කක් නොවේ.

ප්‍රථමයෙන් පන්දුවට පහර දෙන එංගලන්ත කණ්ඩායම මිට සුළු මොහොතකට පෙර ඕවර් 45 ක් අවසානයේදී කඩුලු 04 ක් දැවී ලකුණු 283 ක් ලබා සිටිනවා.
බෙන් ස්ටොක් ලකුණු 84 යි,ජෝ රූට් ලකුණු 60, බරිස්ටෝව් ලකුණු 59 යි

sportzlanka.com